«Մեր զինված ուժերի քանակը պատերազմի ժամանակ և խաղաղ պայմաններում տարբեր են և մեր զինված ուժերը պատերազմը վարում էր ոչ թե առկա միջոցներով, այլ նաև լրահամալրում և զորահամալրում իրականացնելով»,-լրագրողների հետ զրույցում ասաց ՀՀ ՊՆ ռազմական վերահսկողական ծառայության նախկին պետ, գեներալ-գնդապետ Մովսես Հակոբյանը։
Նա նաև նշեց, որ հանցագործություն է տեղի ունեցել այն առումով, որ երկրի ղեկավարը կանգնեցրել է լրահամալրումը․ «Դա բարդ գործընթաց է։ Բանակի բոլոր գործընթացներից ամենաբարդը դա է, որի համար պետության բոլոր ջանքերն են պահանջվում։ Այստեղ նաև պետք է ազնիվ լինենք, որ եթե դրա համար մեղադրում եք քաղաքական իշխանությանը, զինվորականներն էլ մեղավորություն ունեն, որոշակի սխալներ, որոնցից մի մասն օբյեկտիվ է, մյուսը՝ սուբյեկտիվ։ Երկրի վարչապետը հրաման է արձակում՝կանգնեցնել լրահամալրումը և կամավորականներին ուղարկել առաջնագիծ։ Դա եղել է պատերազմի երրորդ օրը։ Վարչապետի որոշման հիմնավորումները ես չգիտեմ։ Դա չեն կարող հերքել, քանի որ պաշտոնատար անձինք, ովքեր պատասխանատու են դրա համար և հասկանալով, որ օր է գալու, որ պատասխան են տալու համար, դա ձայնագրել են։ Ես առաջին օրվանից Արցախում էի։ Կամավորական տղաները, որոնք գալիս էին, փայլուն տղաներ էին, որոնց բոլորին պետք է հարգենք, պատվենք։ Նրանք գալիս էին Արցախ, որևէ սպառազինություն, որևէ հանդերձանք չունեին, զորամասերում ևս։ Նախատեսված միայն զորահավաքի համալրման համար։ Գալիս են, 1-2 ժամ պատմում են իրենց հայրենասիրության մասին։ Նախագահն ուղղորդում է բանակի հրամանատարի մոտ»։
https://tema.am/
