ՎՊՀ-ում յուրացման, պաշտոնական լիազորություններն անցնելու ու կեղծիք կատարելու դեպքով քրեական գործեր են հարուցվել

196

 

ՎՊՀ-ում յուրացման, պաշտոնական լիազորություններն անցնելու ու կեղծիք կատարելու դեպքով քրեական գործեր են հարուցվել | Լուրեր Հայաստանի բոլՎանաձորի պետական համալսարանի ու ռեկտորի անվան շուրջ կրքերը չեն հանդարտվում: Marzer.am-ի հավաստի տեղեկություններով՝ համալսարանի պաշտոնատար անձանց կողմից ենթադրյալ չարաշահումների, պաշտոնական լիազորությունների անցման առիթով քրեական գործեր են հարուցվել:

Գլխավոր դատախազության հանրային կապերի բաժնի պետ Արեւիկ Խաչատրյանը Marzer.am-ի հետ զրույցում  հաստատեց մեր տեղեկությունը, նշելով, որ  որ քրեական գործեր են հարուցվել ՀՀ Քր.օր.-ի 179 (յուրացնելը կամ վատնելը), 309 (պաշտոնական լիազորություններն անցնելը) եւ 325 (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների պետհամարանիշներ կեղծելը, իրացնելը կամ օգտագործելը) հոդվածների հատկանիշներով:

Մեր հավաստի տեղեկություններով՝ քրեական գործով անցնում է նաեւ անձամբ ՎՊՀ ռեկտորը:

Նկատենք՝ ՎՊՀ համալսարանն ու ռեկտորը հաճախ են հայտնվում տարբեր սկանդալների կենտրոնում, ինչի մասին ՎՊՀ մի շարք դասախոսներ բազմիցս են բարձրաձայնել թե լրատվամիջոցներով, թե սոցցանցի իրենց էջերում՝ ռեկտորին ներկայացնելով տարբեր մեղադրանքներ:

Մանրամասները՝ առաջիկայում:

Է.Արզումանյան,  Marzer.am