(VIDEO) Ռուսական կողմն անհետևանք չի թողնի խաղաղապահների վրա հարձակումը. ռազմական փորձագետ

220

(VIDEO) Ռուսական կողմն անհետևանք չի թողնի խաղաղապահների վրա հարձակումը. ռազմական փորձագետ

Ռուս ռազմական փորձագետ Վլադիմիր Եվսեեւը ArmLur.am-ի հետ զրույցում կարծիք հայտնեց, թե փետրվարի 1-ից 12-ը Կարսում սպասվող թուրք-ադրբեջանական զորավարժությունները չեն կարող վտանգ հանդիսանալ Հայաստանի կամ Արցախի համար:

Նկատենք՝ մինչ Հայաստանի իշխանություններն ու ընդդիմությունը զբաղված են սեփական օրակարգերով, իրար հասցեին մեղադրանքներ եւ վիրավորանքներ հնչեցնելով, իսկ իրականում՝ աթոռակռվով, թշնամական երկու երկիր՝ Թուրքիան եւ Ադրբեջանը, փետրվարի 1-ից 12-ը պատմական Հայաստանի Կարս քաղաքում համատեղ զորավարժություն կանցկացնեն, որին կներգրավվեն տանկային ստորաբաժանումներ, դիպուկահար խմբեր, հատուկ նշանակության ուժերի հրամանատարության անձնակազմ, հատուկ ջոկատայիններ եւ օդուժ: Ինչպես հայտնում է Թուրքիայի իշխանամերձ «Ahaber» լրատվամիջոցը, առաջիկա այդ զորավարժությունը ուժի ցուցադրում է Հայաստանին։

Նկատենք՝ նախորդ անգամ թուրք-ադրբեջանական համատեղ զորավարժությունները տեղի էին ունեցել 2020-ի օգոստոսին, որից մեկ ամիս անց Ադրբեջանը Թուրքիայի աջակցությամբ հարձակվեց Արցախի վրա: Այս հարցին ի պատասխան ռազմական փորձագետը նկատեց. «Ռուս խաղաղապահների առկայությունը փաստացի բացառում է պատերազմի հավանականությունը: Ես չեմ հավատում մասշտաբային պատերազմի հավանականությանը: Բոլորն էլ հասկանում են, որ ռուսական կողմն առանց հետեւանք չի թողնի իր խաղшղապահների վրա հարձակումը», – նկատեց նա՝ հավելելով՝ ժամանակն է, որ Հայաստանի Հանրապետությունոմ ռուսական կողմը եւս մեկ ռազմական բազա ունենա:

Մանրամասները՝ տեսանյութում