Թուրքիան խստորեն դատապարտել է Ֆրանսիայի նախագահ Էմանուել Մակրոնի ապրիլի 24-ը Հայոց ցեղասպանության հիշատակի ազգային օր հռչակելու մասին որոշումը:
Թուրքիայի նախագահի՝ Էրդողանի պաշտոնական ներկայացուցիչ Իբրահիմ Կալինն այս մասին հայտարարություն է տարածել, որում ասվում է, որ Հայերի ցեղասպանության մասին պնդումները «քաղաքական սուտ» են եւ որ Անկարայի կողմից մերժելի է «Մակրոնի՝ քաղաքական իրադարձությունը պատմական գործիք դարձնելու ձգտումը».
«Մենք խստորեն դատապարտում ենք նախագահ Էմանուել Մակրոնի հայտարարությունը, որտեղ նա ներկայացրել է ապրիլի 24-ը Հայոց ցեղասպանության հիշատակի ազգային օր հռչակելու մասին որոշումը: Հայերի ցեղասպանության մասին պնդումները «քաղաքական սուտ» են, հակասում են պատմական փաստերին և իրավական հիմքեր չունեն: Դդատապարտում և մերժում ենք Մակրոնի քաղաքական իրադարձությունը պատմական գործիք դարձնելու ձգտումը, որպեսզի ինչ-որ կերպ փրկի իր երկրում ստեղծված իրավիճակը»:
