Սպիտակի բժշկական կենտրոնը համալրվել է գերժամանակակից համակարգչային տոմոգրաֆիկ սարքով.

694

Возможно, это изображение 6 человек и в помещении

ՀՀ առողջապահության նախարար Անահիտ Ավանեսյանը և Լոռու մարզպետ Արամ Խաչատրյանն այսօր Սպիտակի բժշկական կենտրոնում ներկա են գտնվել համակարգչային տոմոգրաֆիկ կաբինետի հանդիսավոր բացման արարողությանը:
📍 «Սիմենս» ընկերության համակարգչային տոմոգրաֆիկ սարքը ձեռք է բերվել բժշկական կենտրոնի միջոցներով՝ տնօրեն Վարդուհի Սիսակյանի նախաձեռնությամբ:
Այն ժամանակակից չափորոշիչների համապատասխանող սարքավորում է, որի առավելություններից է նաև այն, որ ավելի կարճ ժամանակամիջոց է պահանջվում հետազոտությունների համար, ինչպես նաև՝ քիչ կոնտրաստ նյութ, փոքր է ճառագայթման չափաբաժինը և կարող է հետազոտել մինչև 230 կգ քաշ ունեցող բուժառուներին: Կարևոր է նաև, որ հետազոտությունները կիրականացնեն 10 և ավելի տարիների փորձառություն ունեցող, բարձր որակավորմամբ մասնագետները:
✅Возможно, это изображение 9 человек, люди стоят и в помещении
Նախարարը և մարզի ղեկավարը նախարարության, մարզպետարանի պաշտոնյաների, մարզի բժշկական կենտրոնների տնօրենների, բուժաշխատողների ուղեկցությամբ ծանոթացան համակարգչային կաբինետի պայմաններին, տոմոգրաֆիկ սարքի հնարավորություններին:
✅ Նախարարն իր ողջույնի խոսքում գոհունակություն հայտնեց, որ մարզային առողջապահական հիմնարկները նախանձախնդիր կերպով կարողանում են մեծ ձեռբերումներ ունենալ՝ ետ չմնալով մայրաքաղաքի բուժհաստատություններից:
-Այսօրվա ձեռքբերումը համառ աշխատանքի, մեծ խնդրներ առաջադրելու և դրանց լուծմանն ուղղված մեծ ջանքների արդյունք է, որն իրականացվել է Սպիտակի բժշկական կենտրոնի անձնակազմի համառ ջանքներով: Շնորհակալություն եմ հայտնում ձեզ լավ աշխատանքի և նվիրումի համար,-ասաց Ա. Ավանեսյանը:
Возможно, это изображение 2 человека и в помещении
Մարզպետ Արամ Խաչատրյանն իր խոսքում կարևորեց հատկապես Սպիտակի բժշկական կենտրոնի կողմից նման ծառայության մատուցումը, որովհետև այն գտնվում է Մ3 միջպետական մայրուղու վրա և, հրատապ դեպքերի հետ կապված, այլևս անհրաժեշտություն չի լինի մեկնելու մայրաքաղաք:
Возможно, это изображение в помещении
-Սա ևս մեկ հնարավորություն է մարզում մատուցվող բժշկական ծառայությունների որակը բարձրացնելու առումով,-ասաց Ա. Խաչատրյանը:
Վարդուհի Սիսակյանը նշեց, որ նման լուրջ ձեռքբերումը հնարավոր է եղել ամբողջ կոլեկտիվի նվիրվածության և համառ աշխատանքի շնորհիվ: Նա նաև շնորհակալություն հայտնեց Լոռու մարզպետարանին՝ ի դեմս Արամ Խաչատրյանի և ՀՀ առողջապահության նախարարությանը՝ ի դեմս Անահիտ Ավանեսյանի, մեծ աջակցություն ցուցաբերելու համար:
📍Возможно, это изображение 5 человек, люди стоят и в помещении
Նրանք եղան բժշկական կենտրոնի վերակենդանացման բաժանմունքի նորաբաց սրահում, որտեղ տեղադրված է 5 մահճակալ՝ հագեցած ծանր հիվանդներին սպասարկելու համար անհրաժեշտ բոլոր սարքավորումներով և պարագաներով, համալրված հոգատար անձնակազմով:
-Սրանով կանգ չենք առնելու և անելու ենք ամեն ինչ, որ Սպիտակի բժշկական կենտրոնը մատուցվող բուժծառայությունների և սպասարկող բուժանձնակազմի պրոֆեսիոնալիզմի ու հոգատարության առումով լավագույնը լինի տարածաշրջանում,-ասաց տնօրենը:
Возможно, это изображение 7 человек, люди стоят и в помещении