Արյան դոնորների միջազգային օրվա առթիվ հանրապետության տարածքում կազմակերպվել էր «Արյուն հանձնելը համաշխարհային քայլ է»․ արշավը, որի նպատակն էր խրախուսել արյան կամավոր դոնորությունը հանրապետության արյան բանկը համալրելու նպատակով: Լոռու մարզի արյան փոխներարկման կայանում իրականացվեց արյունատվության ակցիա, որին մասնակցեցին Լոռու մարզպետարանի պաշտոնյաները, մարզի բուժհաստատությունների աշխատակիցներն ու տասնյակ քաղաքացիներ։
