Թուրք զինվորները բրիգադի գեներալի հրամանատարությամբ մեկնել են Ադրբեջան: Այդ մասին տեղեկացնում է թուրքական NTV հեռուստաալիքը:
Նշվում է, որ Թուրքիայից ժամանած զինվորականները պետք է սկսեն ծառայել Ռուսաստանի հետ Լեռնային Ղարաբաղի համատեղ դիտորդական կենտրոնում 2021 թվականի հունվարից:
Դեկտեմբերի 1-ին Թուրքիայի պաշտպանության նախարարությունը հաղորդեց, որ Անկարան և Մոսկվան, տեխնիկական բանակցություններից հետո, համաձայնագիր են կնքել Լեռնային Ղարաբաղում հրադադարի ռեժիմի դիտարկման համար համատեղ կենտրոն ստեղծելու մասին: Ռուսաստանի պաշտպանության նախարարության պաշտոնական ներկայացուցիչ Իգոր Կոնաշենկովը շեշտեց, որ կենտրոնը տեղակայված կլինի Ադրբեջանի տարածքում, իսկ կենտրոնի կազմակերպական կառուցվածքում ռուս և թուրք անձնակազմի թիվը հավասար կլինի:
