Կորոնավիրուսային ինֆեկցիան ինչպե՞ս կընթանա պատվաստված մարդկանց մոտ

218

Ոչ մի պատվաստանյութ չի կարող ապահովել կորոնավիրուսից 100 տոկոսանոց պաշտպանություն, սակայն այն կարող է պաշտպանել ծանր բարդությունների զարգացումից։ Այսպիսի կարծիք է հայտնել պատվաստաբան Եվգենի Տիմակովը (Ռուսաստան), փոխանցում է «ՌԻԱ Նովոստի»-ն։

Մասնագետի խոսքով՝ պատվաստումն այն նպատակով է կատարվում, որ հիվանդանալիս պատվաստված մարդու իմունիտետը դրան պատրաստ լինի։ Մասնագետը նաեւ հավելել է, որ պատվաստանյութը կօգնի «ինֆեկցիան ավելի թեթեւ տանել՝ տանը հեռուստացույցի առջեւ նստած» եւ խուսափել ծանր հետեւանքներից։

Օքսֆորդի համալսարանի եւ AstraZeneca ընկերությունների ստեղծած կորոնավիրուսի պատվաստանյութի առաջատար մշակող, պրոֆեսոր Էնդրյու Փոլարդը նույնպես կարծում է, որ պատվաստանյութը չի կարող բոլորին պաշտպանել կորոնավիրուսով վարակվելուց, բայց փոխարենը կարող է կանխարգելել հոսպիտալացման շատ դեպքեր եւ հիվանդության ծանր ընթացքը։