Մանրամասներ են հայտնի դարձել Արմեն Սարգսյանի Մոսկովյան այցից

291

e9f54990-309c-11eb-8433-cfecb074866farmen_sargsyan_terter_garegin_b_6.thumb_.jpg

Այս օրերին լուրեր են տարածվում, թե նախագահ Արմեն Սարգսյանը մեկնել է Մոսկվա, ուր հանդիպումներ է ունեցել, քննարկումներ վարել։

Past-ը գրում է. «Մեր մոսկովյան աղբյուրը հայտնում է, որ Արմեն Սարգսյանը օրերս Մոսկվա է ժամանել Փարիզից, իսկ այնտեղ գտնվելու ընթացքում հանդիպումների հիմնական առիթը կապված է եղել իր որդուն պատկանող գործարանի հետ, որը, ըստ աղբյուրի, գտնվում է Մոսկվայի «Օդինցովո» շրջանում։ Ըստ աղբյուրի, նախագահ Արմեն Սարգսյանը ՌԴ այցը կապված չի եղել վերջին իրադարձությունների հետ, և բացառապես պայմանավորված է եղել իր ընտանեկան բիզնես գործերով: Ավելին, ըստ տեղեկությունների,  ՀՀ գործող նախագահը որևէ պաշտոնական կամ ոչ պաշտոնական հանդիպում չի ունեցել։ Մենք փորձեցինք ՌԴ ԱԳՆ մեր աղբյուրներից ճշտել՝ եղե՞լ է արդյոք այս օրերին որևէ օրակարգ Արմեն Սարգսյանի այցի ընթացքում, սակայն հաղորդեցին, որ Արմեն Սարգսյանի այցի մասին իրենք տեղյակ չեն։

Ստացվում է՝ ՀՀ նախագահի պաշտոնը զբաղեցնող Արմեն Սարգսյանը հետպատերազմյան օրերին մասնավոր և ընտանեկան հարցերով շրջագայություններ է կատարում, չնայած երկրում տիրող խորը ճգնաժամին»։