Ադրբեջանական բանակը շարունակում է կորուստներ կրել. հայկական կողմը ոչնչացրել է թշնամական զրահատեխնիկա և մեծ թվով կենդանի ուժ։
Հայկական միասնական տեղեկատվական կենտրոնը հրապարակել է ադրբեջանական բանակի կորուստների վերաբերյալ վերջին տվյալները:
Նոյեմբերի 5-ից առ այսօր հայկական ուժերին հաջողվել է խոցել հակառակորդի ևս 13 զրահատեխնիկա:
Թշնամին կորցրել է 115 զինծառայող: Այսպիսով` սեպտեմբերի 27-ին սանձազերծած պատերազմի առաջին օրվանից ի վեր հայկական ԶՈւ–ն խոցել է հակառակորդի 257 ԱԹՍ, 16 ուղղաթիռ, 25 ինքնաթիռ, 736 զրահատեխնիկա, 6 ՏՕՍ համակարգ։
Թշնամու մարդուժի կորուստների թիվն այս պահի տվյալներով 7405 է։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։