Վանաձոր համայնքի ղեկավարի պաշտոնակատար Արկադի Փելեշյանն ընդունել է Օլիմպիական հերթափոխի մենապայքարային մարզաձևերի մարզադպրոցի բռնցքամարտի հավաքականի կրտսեր մարզիկներին։ Համայնքի ղեկավարը շնորհավորել է նրանց Ստավրոպոլում կայացած բռնցքամարտի բաց առաջնությունում տարբեր քաշային կարգերում հաղթանակներ նվաճելու կապակցությամբ։ Արկադի Փելեշյանը շնորհավորագրեր է հանձնել մարզիկներին ու նրանց մարզիչ Գևորգ Կոստանյանին։
